Back Буенос-Аирес Abkhazian Buenos Aires ACE Буэнос Айрес ADY Buenos Aires Afrikaans ብዌኖስ አይሬስ Amharic Buenos Aires AN Buenos Aires ANG بوينس آيرس Arabic بوينوس آيريس ARY بوينوس ايريس ARZ
| Charte | Wabbe |
 |
|
| Wappe vo dr Autonome Stadt Buenos Aires | |
| Faane | |
| |
| Faane vo dr Autonome Stadt Buenos Aires | |
 | |
| Daate | |
| Verwaltigssitz | Buenos Aires |
| Flechi | 202 km² |
| Iiwooner | 2.890.151 (2010) |
| Iiwooner Metropolregion Gran Buenos Aires |
13.176.866 (2010) |
| Bevölkerungsdichte | 14.308 Iiw./km² |
| Geografischi Laag | 34° 36′ S, 58° 23′ W |
| Hööchi | 25 m |
| Postläitzaaleberiich | C1000–1499XXX |
| Vorwaal | 011 |
| ISO 3166-2-Code | AR-C |
| Website | www.buenosaires.gov.ar |
| Politik | |
| Bürgermeister | Horacio Rodríguez Larreta |
Buenos Aires [ˈbwenos ˈai̯ɾes] (früener Buenos Ayres; offiziell Ciudad Autónoma de Buenos Aires/Autonomi Stadt Buenos Aires) isch d Hauptstadt und Primatstadt, also s politische, kulturelle, kommerzielle und industrielle Zentrum vo Argentinie. Iiri Gründer häi ere dr Naame gee noch dr Häilige Santa María del Buen Ayre (schbanisch für Häiligi Maria vo dr Guete Luft).[1] Die „guete Lüft“ bezien sich uf d Laag vo dr Stadt, grad uf dr andere Site vo dr südlige Gränze vom Verbräitigsgebiet vo dr Malaria. Dennzumol het mä glaubt, ass d Chrankhit vo dr Luft verursacht wird (mal aria „schlächti Luft“).[2]
D Stadt isch offiziell nume 202 Kwadratkilometer grooss und bildet dr Kärn vo äinere vo de grösste Metropolregione in Südamerika, em Gran Buenos Aires mit öbbe 13 Millione Iiwooner. Si goot hüte öbbe 68 Kilometer vo Nordweste uf Südoste und öbbe 33 Kilometer vo dr Küste uf Südweste. Si wird vilmol as „Wasserchopf“ vo Argentinie bezäichnet, wil sich do fast alli wichdige Instituzione vom Land befinde und in dr Stadt und vor allem in dr Umgääbig öbbe e Driddel vo alle Argentinier woont. Si isch au as äinzigi Stadt z Argentinie as „Capital Federal“ autonom, ghöört also nit zun ere Browinz. Si isch e wichdigs kulturells Zentrum und isch 2005 vo dr UNESCO mit em Ditel Stadt vom Disäin uszäichnet worde.[3]
- ↑ Papst Franziskus erklärt die sardinische Herkunft des Namens der Stadt Buenos Aires Archivlink (Memento vom 16. Oktober 2013 im Internet Archive)
- ↑ Charles C. Mann (2011). 1493. Random House, New York, NY.
- ↑ Buenos Aires, Argentina appointed first UNESCO City of Design: UNESCO Culture Sector. Archiviert vom Original am 26. August 2009; abgruefen am 8. September 2017.